logo

Official Web site of Coastal Police

Government of Kerala

മത്സ്യബന്ധനത്തിലേര്‍പ്പെട്ടിരിക്കുന്നവരുടെ അതീവ ശ്രദ്ധയ്ക്ക്‌

അന്തര്‍ദേശീയവും ദേശീയവുമായ നിയമമനുസരിച്ച് ഓരോ രാഷ്ട്രത്തിനും അവരുടേതായ കടല്‍ അതിര്‍ത്തികളും അതിനുള്ളില്‍ അനുസരിക്കപ്പെടേണ്ട നിയമങ്ങളും പരിപാലിക്കപ്പെടേണ്ട ഉത്തരവാദിത്തങ്ങളും വ്യത്യസ്തമായി പ്രതിപാദിപ്പിക്കപ്പെട്ടിട്ടുണ്ട്. അത്തരത്തിലുള്ള നിയമമനുസരിച്ച് 12 നോട്ടിക്കല്‍ മൈല്‍ (22 കിലോമീറ്റര്‍ വരെ) അതാത് സംസ്ഥാനങ്ങളുടെ അതിര്‍ത്തിയും അതിനുള്ളില്‍ ആ രാജ്യത്തിന് പരമാധികാരം നിക്ഷിപ്തപ്പെട്ടിട്ടുള്ളതാണ്. അതിനപ്പുറം 12 നോട്ടിക്കല്‍ മൈല്‍ (കടല്‍ തീരത്ത് നിന്നും 24 നോട്ടിക്കല്‍ മൈല്‍) സാമ്പത്തിക മേഖലയായും കടല്‍ തീരത്ത് നിന്നും 200 നോട്ടിക്കല്‍ മൈല്‍ വരെ (366 കിലോമീറ്റര്‍ വരെ) ആണ് ഒരു രാജ്യത്തിന്റെി പരമാവധി സമുദ്രാധികാര പരിധി. എന്നിരുന്നാലും 12 നോട്ടിക്കല്‍ മൈലിന് അപ്പുറത്തുകൂടിയുള്ള കടല്‍മാര്‍ഗ്ഗം എല്ലാ രാജ്യക്കാര്‍ക്കും ഉപയോഗിക്കാവുന്നതാണ്.

മൺസൂൺ സീസണിൽ കടൽ പ്രക്ഷുബ്ധമാകുന്ന സാഹചര്യത്തിൽ മത്സ്യബന്ധനത്തിന് കടലിൽ പോകുന്നത് പൂർണ്ണമായും ഒഴിവാക്കേണ്ടതാണ്. എന്തെങ്കിലുംതരത്തിൽ അപകടം സംഭവിക്കുന്ന സാഹചര്യത്തിലോ അടിയന്തിര സഹായം ആവശ്യമുള്ള അവസരത്തിലോ ഹെൽപ്പ് ലൈൻ നമ്പറിൽ അറിയിച്ചാൽ ആവശ്യമായ അടിയന്തിര സഹായം നൽകാൻ കേരളാ കോസ്റ്റൽ പോലീസ് 24 മണിക്കൂറും സന്നദ്ധമായിരിക്കും. സംശയകരമായ സാഹചര്യത്തിൽ കടലിലോ കടൽ തീരത്തോ ഏതെങ്കിലും തരത്തിലുള്ള യാനങ്ങളേയോ, ആളുകളേയോ, നിയമം മൂലം നിരോധിത സാധനങ്ങൾ കടത്തുതായോ, നിയമവിരുദ്ധ പ്രവർത്തനങ്ങൾ നടത്തുതായോ കാണപ്പെടുകയാണെങ്കിൽ ഉടൻ തന്നെ ഹെൽപ്പ് ലൈൻ നമ്പറിലോ ബന്ധപ്പെട്ട മറ്റ്‌ ഫോൺ നമ്പറുകളിലോ അറിയിക്കേണ്ടതുമാണ്.